Гаиләнең төп бурычы - балалар тәрбияләү. Коръәндә бу изге эшнен Аллаһе Тагәлә алдындагы ин төп бурыч икәнлеге әйтелә, һәркем баласын итагатьле, эш сөючән, белемле, кешелекле, ихтирамлы итеп тәрбияләргә тели.
1. Ата-ана үрнәге.
Халыкта: "Анасына карап кызын коч, атасына карап улын сөй", -дигән әйтем бар. Кеше гаиләдә нинди тәрбия алса, тормышта да шулай булачак.
2. Читләтеп йогынты ясау тактикасы.
Балалар өлкәннәрнең "акыл сатуларын" - өйрәтүләрен яратмыйлар. "Мин хәзер зур инде. Кирәк булса, мин үзем дә сезгә киңәш бирергә әзер"- дип уйлый бала. Бу очракта нишләргә? Читләтеп тәэсир итү юлын сайларга була.
3. Инандыру алымы да зур әһәмияткә ия.
Ул башка алымнарның нигезе буларак кулланыла. Гадәттә, кечерәк балалар ата-аналар сүзенә колак сала. Әмма ата-ана халык алдында абруйлы булырга тиеш.