Балага телне ана бирә. "Ананың балага биргән иң зур бүләге - тел", дип юкка гына әйтми халык. Бала белән даими рәвештә шөгыльләнеп, аның ана телендә сөйләшүен үстерү, баету өстендә эшләргә теләгән ата-аналар, кайчак аптырашып калалар: эшне нидән башларга, нәрсәгә игътибар итәргә, нинди китаплар укырга? Бу сорауларның барсына да җавапны халкыбызның бөек шагыйре Габдулла Тукайның балалар өчен язган әсәрләрендә табарга була. Аның шигырьләрен безнең әби-бабаларыбыз, әти-әниләребез укып үскән. Тукай шигырьләрен, көйләрен, җырларын ишетеп үссен, телләре ачыл¬сын безнең балаларның да.