İnsanlar öz əməklərini yüngülləşdirmək və daha səmərəli emək üçün zaman-zaman müxtəlif alətlər, qurğular düzəltmişlər. Bu alətlərin bir qrupunu hesablama alətləri təşkil edir. Onların ən mükəmməli kompüterdir. Kompüter ona verilən informasiyanı emal edir, nəticəni yaddaşda saxlayır, yaxud çıxışa verir. Buna görədə kompüteri informasiya ilə işləyən qurğu da adlandırırlar.

Kompüter informasiyanı giriş qurğuları - klaviatura, skaner, siçan, mikrofon vasitəsi ilə alır. Yaddaş qurğularında saxlayır, prosessor vasitəsi ilə emal edir və çıxış qurğuları vasitəsi ilə insanlara çatdırır. Çıxış qurğularına monitor, printer, səsucaldanlar aiddir.İnformasiya proseslərinə görə insanın fəaliyyəti ilə kompüterin fəaliyyəti arasında həm oxşar, həm də fərqli cəhətlər var.

Həm insan həm də kompüter informasiya ilə işləyəyir, onu qəbul edir, saxlayır, emal edir və ötürür. Bu oxşar cəhətlərdir. Fərqli cəhət odur ki, insan canlıdır və onun duyğu üzvləri var. Bu üzvlər vasitəsi ilə o, obyektlərin dadını, qoxusunu, onların hamar və ya kələ-kötür, yumşaq və ya sərt, küt və ya iti olmasını da öyrənə bilir. Kompüter süni obyektdir, onun duyğu üzvəri yoxdur, onu insan yardıb və o, insan tərəfindən idarə olunur. Kompüterlər insanların yaratdqları proqramlar əsasında işləyir.