«Macromedia Flash технологиясы» курсының  негізгі мақсаты:

• оқушылардың интеллектуалды мүмкіндіктерін және танымдық қызығушылықтарын дамыту;
• оқушылардың ақпараттық технологияларға қызығушылықтарын арттыру;
• графика туралы, векторлық және растрлық графиканың құру түсініктерін қалыптастыру;
• оқушылардың мультипликация, дизайнмен байланысты мамандықтарға қызығушылықтарын қалыптастыру.

«Macromedia Flash технологиясы» курсының  міндеттері:

• графикалық кескіндер, кадр бойынша ұйымдастырылатын және автоматты түрде ұйымдастырылатын анимация түрлерін құру мүмкіндіктерімен таныстыру;

Macromedia Flash бағдарламасының мүмкіндіктерін пайдалана отырып, анимациялық құжаттар даярлауға үйрету.

• оқушылардың біліктілігі мен дағдысын қалыптастыру негізінде эстетикалық тұрғыда тәрбиелеу.

• оқушылардың қызығушылықтарын арттыру арқылы өз білімін жетілдіруге талпындыру;

·          оқушыға өз мүмкіншіліктерін, қабілеттерін ашуға көмектесу.

«Macromedia Flash технологиясы»  курсының  өзектілігі:

Macromedia Flash бағдарламасының  негізгі артықшылығы – оның әмбебаптылығында. Оның сайт құрастыруда да, ойындар құруда да, электронды оқулықтар құруда да алатын орны ерекше. Күннен күнге дамып келе жатқан компьютерлік графика мен анимацияны оқушыларға үйрету – заман талабына сай үдеріс. Осы тұрғыда аталған курстың маңызы ерекше болмақ. Курсты оқу барысында оқушылардыі шығармашылық, ізденімпаздық, танымдық қасиеттері арта түсері сөзсіз. Өйткені, аталған курста шығармашылық тапсырмалар, жобалық тапсырмаларға көңіл айтарлықтай бөлінген. Оқушылар өз беттерімен берілген практикалық тапсырмаларды орындайды және өз білімін үнемі бақылауда ұстай алады.

Бұл ұсынылып отырған бағдарламаның өзектілігі оқушылардың шығармашылық қабілеттерін арттырады, эстетикалық түрғыдан тәрбиелейді.

Сабақтың негізгі өтілу тәсілдері – практикалық жұмыстар, мини-лекциялар, дискуссия арқылы өтілетін семинарлар, шығармашылық сабақтар, жобалық тапсырмалар. Курстың барлық тапсырмалары дербес компьютер және Macromedia Flash бағдарламасының көмегімен  жасалынады. Жұмыс жалпы лекция, семинар және практика сабақтар негізінде жүргізіледі. Ұсынылған курс 5-6-сыныптарға арналған. Курсқа 34 сағат бөлінген. Курс түсіндірмелі хаттан, тақырыптық жоспардан, практикалық сабақтардан тұрады.